^{Расненская сярэдняя школа}

21 лютага, у Міжнародны дзень роднай мовы, у школах Дрыбінскага раёна прайшло шэраг мерапрыемстваў, прымеркаваных да гэтай важнай даты ў календары.

Вучні актыўна дэманстравалі свае веды па беларускай мове і літаратуры, чыталі творы беларускіх аўтараў, ахвотна прымалі ўдзел у розных віктарынах, гульнях і конкурсах, рабілі падарожжы ў краіну мілагучнага роднага слова.

У некаторых установах адукацыі  ў гэты дзень гучалі беларускамоўныя песні, былі арганізаваны тэматычныя выставы, і яшчэ шмат цікавых сустрэч і сюрпрызаў было падрыхтавана для дзяцей. Галоўная мэта — звярнуць увагу школьнікаў да неабходнасці берагчы і шанаваць такую вялікую нацыянальную каштоўнасць, як родная мова.

Па водгуках вучняў, ім вельмі спадабалася такая творчая форма работы, і кожнае мерапрыемства пакінула пасля сябе шмат незабыўных уражанняў.

Ірына ЦЯЦЕРЫНА